पुणे : मोबाईल चोरीच्या संशयावरून तरुणाची हत्या

मोबाईल चोरल्याच्या संशयावरून एका व्यक्तीवर लाकडी दांडक्याने हल्ला करण्यात आला. ही घटना बुधवारी सायंकाळी चिखली येथे घडली. या हल्ल्यात महादेव विठ्ठल शिंदे (वय ४५, रा. मोरे पाटील चाळ, चिखली) असे मृताचे नाव आहे. याप्रकरणी राजू अनिल गांगुली (वय 28) आणि विनोद शांताराम पवार (वय 22, रा. कुदळवाडी, चिखली) यांना अटक करण्यात आली आहे. याप्रकरणी चिखली पोलिस स्टेशनचे पोलिस उपनिरीक्षक विजय पंचमुख यांनी फिर्याद दिली आहे. पोलिसांनी दिलेल्या माहितीनुसार, आपल्या ओळखीच्या महिलेने महादेव शिंदे यांचा मोबाईल चोरल्याचा संशय आरोपी राजू याला आला. बुधवारी सायंकाळी ५ वाजण्याच्या सुमारास चिखली येथे ही महिला महादेव शिंदे यांच्याकडे चौकशी करत होती. त्यावेळी राजू व विनोद तेथे आले. त्यांनी महादेव शिंदे यांना मारहाण करून गंभीर जखमी केले. राजूने महादेव शिंदे यांच्या डोक्यावर लाकडी दांडक्याने वार केल्याने गंभीर जखमी झाल्याचा आरोप आहे. दरम्यान, विनोदने महादेव शिंदे यांच्या पाठीवर लाकडी काठीने वार केले. याप्रकरणी चिखली पोलीस तपास करत आहेत.